Pierre de Ronsard, Mignonne, int. The King's Singers', in album Madrigal History Tour

__

Mignonne, allons voir si la rose

Qui ce matin avoit desclose

Sa robe de pourpre au Soleil,

A point perdu ceste vesprée

Les plis de sa robe pourprée,

Et son teint au vostre pareil.

Las ! voyez comme en peu d'espace,

Mignonne, elle a dessus la place

Las las ses beautez laissé cheoir !

O vrayment marastre Nature,

Puis qu'une telle fleur ne dure

Que du matin jusques au soir !

Donc, si vous me croyez, mignonne,

Tandis que vostre âge fleuronne

En sa plus verte nouveauté,

Cueillez, cueillez vostre jeunesse :

Comme à ceste fleur la vieillesse

Fera ternir vostre beauté.

Pierre de Ronsard, Odes, I, XVII, 1545

__

Le rosier Jimidi, que nous avons ainsi nommé puisque nous ne connaissions pas son appellation, se porte bien mais il n'a pas encore donné ses fleurs.